近日港姐新聞仲好睇過無綫的連續劇！

繼今屆冠軍馮盈盈於網上爆粗，上屆冠軍麥明詩與男友林作鬧分手後，連幾位二十多年前的港姐亦忽然被翻舊帳！

話說89年港姐季軍梁佩瑚，早前大爆同屆冠軍陳法蓉係大話精，引發陳法蓉與好姊妹蔡少芬及洪欣接連「開火」反擊。

日前一位前港姐再向本刊爆料，指當年陳、梁還發生爭衫事件，又指亞軍朱潔儀和「最上鏡小姐」翁慧德亦「唔妥」陳法蓉。本刊致電朱潔儀查詢，她直指當年佳麗間常明爭暗鬥，還大爆曾遭佳麗陷害。

一班女人齊齊爆seed，恩怨情仇真人騷，真係成地都係花生殼呀！

89年港姐冠軍陳法蓉﹙中﹚、亞軍朱潔儀﹙左﹚和季軍梁佩瑚﹙右﹚，賽後不時一起出席領獎活動。

 

與梁佩瑚玩撞衫

梁佩瑚早前接受有線電視訪問，大爆27年前同屆港姐冠軍陳法蓉，在參選港姐期間，曾私下替雜誌影相，被揭犯下港姐規條後，先講大話掩飾，繼而扮委屈落淚。

訪問播出後，引起軒然大波，被指是大話精的陳法蓉先在微博還擊，指有人「吃不到的葡萄是酸的。天下本無事，奈何多庸人自擾。唉‥‥‥」其好姊妹洪欣亦po文力撐：「這種人，是活得太無聊，想借別人來宣傳自己吧。」陳的另一位好姊妹蔡少芬也po文說：「四個字，不知所謂！」幾位平時謹言慎行的女人，在網上你一言、我一語，隔空開火。

本刊獲一位前港姐爆料，指陳法蓉與梁佩瑚多年來一直有心病，當年一次「撞衫」事件，更令二人積怨加深。「佢哋當年已經唔係咁o岩keyo架啦，阿Bel﹙梁佩瑚暱稱﹚心直口快，有嗰句講嗰句，阿Mon﹙陳法蓉暱稱﹚就好勝，乜都鍾意鬥。有次阿Bel着咗條紅色裙出嚟，阿Mon見到猛讚靚，點知阿Mon之後去日本買咗條一色一樣嘅裙，仲要着住出席公開活動，阿Bel知道後咪嬲爆囉！」

 

被梁佩瑚爆是大話精和替雜誌拍封面出風頭的陳法蓉﹙上圖右﹚，火速在微博po文回應，同是「神的兒女」的蔡少芬和洪欣﹙上圖左﹚亦po文撐陳法蓉，認真好姊妹。

與翁慧德面左左

這位前港姐繼續爆料，指除了梁佩瑚公開「唔妥」陳法蓉，同屆的最上鏡小姐翁慧德和亞軍朱潔儀亦與陳法蓉不咬弦。「阿Mon係冠軍，好自然有種氣焰，Wanda﹙翁慧德洋名﹚都頂佢唔順，兩人喺鏡頭前可以笑晒口，好似好friend咁，但鏡頭後就馬上黑面。阿Mon同Donna（朱潔儀洋名）嘅關係亦唔好得去邊，佢哋兩個當選後，被分派到劇組，90年Donna同萬梓良、周海媚等拍攝台慶劇《笑傲在明天》，據知阿Mon知道後，曾經打電話畀Donna，話係自己冇時間接拍，個角色先『彈』咗畀Donna，Donna只係執佢二攤演出，激到Donna紮紮跳。

「仲有單o架，話說阿Mon同Donna都有髮型贊助，有次Donna 搵髮型師Mark Kim剪頭髮，點知阿Mon收到風又打畀Donna，話：『你（朱潔儀）呢啲乖乖女唔o岩佢（Mark Kim）』，Donna一頭霧水，最後發現原來阿Mon鍾意Mark Kim，驚Donna同佢爭。」

梁佩瑚為有線電視《娛樂熱辣辣》的「絕密真相」擔任嘉賓，大爆當年港姐黑幕。

陳法蓉﹙右﹚和朱潔儀﹙左﹚當年當選後工作不斷，除了拍劇，更一起參與拍攝不少綜藝節目。