朱潔儀食齋食到暈
自少受母親薰陶篤信佛教嘅朱潔儀,早早就養成咗初一、十五茹素嘅習慣,佢同東姑講:「我都試過食素全個星期,不過因為身體負荷唔來而暈倒。我相信佛教因果報應、前世今生,佛教導人向善,我都會提倡朋友信佛,會令心境平和,放低執着。」
身為一個虔誠嘅佛教徒,朱潔儀定時定候都會做一啲善事。日前,東姑出海放生,同船都巧遇朱潔儀。當日早上九點,大班人一早到達西貢嘅碼頭等候,一大堆供品, 一行二十人浩浩蕩蕩出發;而誠心的朱潔儀,跟足整個誦經儀式,包括:撒花、跪拜等等。當日天公作美,歷時七小時嘅放生儀式,順利完成。雖然朱潔儀好攰,但從佢嘅笑容睇得出,一切都係值得o架。
當日天氣好好,風和日麗,而做足準備嘅朱潔儀,戴咗黑超同頂帽,保護靚靚皮膚。
朱潔儀每年都會身體力行去支持放生活動,出錢又出力;而負責散花嘅佢,細心整理每一朵花。
散花前,朱潔儀都誠心祈求,希望觀音娘娘賜福。