陳法蓉斥冇着制服 梁小冰黑面：以後唔出席

昨日(11月25日)陳法蓉、梁小冰等人齊齊出席慧妍雅集活動，有份出席活動的梁小冰未有穿著慧妍雅集外套，被陳法蓉認為不合格；活動尾聲，王愛倫安撫梁小冰時，小冰即爆句：「以後唔出席呢啲活動。」隨即她一支箭走上老公陳嘉輝的座駕離開。

小冰於離場前，記者要求兩人合照，小冰婉拒跟陳法蓉合照。事後面燶燶梁小冰自爆是烈女性格，對方是直腸直肚之人，但到場被對方指她沒有穿著慧妍雅集會員外套，即被對方兜口兜面訓斥，她說：「有乜事應側邊講，一嚟到就話我，佢唔應該咁講，我響北方返嚟覺得好熱，但要著一set制服冇人話我知，不過要有禮貌，就算幾熟朋友都要保持禮貌，所以我拒絕亦唔使合照。」

問到小冰可需要陳法蓉道歉？她說：「要o架！我會私下講打畀佢，就算任何一個會員要以禮相待應拉埋一面講，而不是大庭廣眾訓斥人哋。（氣難下？）你睇下我幾㷫？我係直腸直肚好易撻著，但氹我兩句就冇野，唔可以硬一定要軟。（跟陳法蓉熟落？）同佢不太熟，十幾年無乜見。（佢似訓導主任？）我唔覺得她係訓導主任，邊個畀呢個權利佢，大家係會員要平等以禮相待。」

活動尾聲，王愛倫安撫梁小冰時，小冰即爆句：「以後唔出席呢啲活動。」隨即她一支箭走上老公陳嘉輝的座駕離開。

小冰於離場前，記者要求兩人合照，小冰婉拒跟陳法蓉合照。

畀陳法蓉話完，小冰真係嬲嬲豬，果然係腸直肚直。

大合照時，陳法蓉仍然可以掛出笑容，但小冰就㷫到笑唔出。