鄧兆尊近年有「現代版韋小寶」之稱號，皆因五十歲的他，可以同時與三位女友拍拖，即大婆Carmen、二奶Cherry車厘子和三奶Claire，左中右逢源，毫無問題。

日前某晚，他就再表演「振夫綱」，於銅鑼灣與二、三奶同時shopping，過馬路時更man爆左右手各捉住一女友，拖實過馬路！極有氣勢！

鄧兆尊一手拖一人，左右拖實二奶、三奶，一齊衝過馬路，霸氣十足。

現代韋小寶

鄧兆尊近年過「半退休生活」，甚少於幕前出現。早前，他罕有地為奇妙電視《Learning男》做主持，節目內要打功夫、又要跳鋼管舞，年過半百也一點不吃力，更大讚好玩。有心有力的他，最利害的當然是周旋於「3C女友團」中，依然可以輕鬆自如，堪稱現代韋小寶。

雪糕兩份食

日前某晚，御女有術的鄧兆尊，穿上白tee牛仔褲，凸腩拖着二、三奶到Sogo附近行街。頭上有個大花頭飾的Cherry，與戴頭巾的Claire一人挽住一袋國產時裝品牌MO & Co.戰利品，好有默契地一左一右行在「老公」的身邊。

三奶Claire之後買了杯軟雪糕，就與鄧兆尊兩份食，而孭YSL手袋的二奶Cherry，就獨自走入韓國化妝品牌ETUDE House掃貨。幾分鐘後，二奶買了少許東西，三人就向着富豪酒店前往。過馬路時，鄧兆尊心急地本想衝紅燈，但又要照顧兩位女友，所以他過馬路時，就man爆地左右開弓，且肉緊地拖實兩女，還左望右望小心翼翼才過馬路。

行到鼎泰豐，鄧兆尊就買小籠包等外賣，二、三奶行到攰乖乖平排坐，鄧兆尊繼續貫徹其冧女本色，與門口的女店員談笑風生，o氹到對方開心大笑。

最後，鄧兆尊挽住兩袋外賣，和兩位女友齊齊行去皇室水療歎按摩，享受生活。

Claire買雪糕，與鄧兆尊你一啖我一啖，但就未見車厘子一同分享。

等外賣期間，雖然鄧兆尊猛與女侍應傾偈，但兩位女友坐下等待時，一樣笑口常開。