日與夜，兩種味道。
廿三年前，陳奕迅與張栢芝主演的《12夜》，淡淡訴說情侶之間的事，早已成經典。
今年，主角換上鄧麗欣（Stephy）和馬志威（Edward），當情侶變成夫妻，當中的高低，成了電影《12日》的故事。

 

 

 

 

有共鳴

都說戲如人生，電影以12日交代主角由拍拖、結婚、分開、復合的十年感情；現實生活中，暫時單身的Stephy，仍然在追求細水長流的感情，Edward就用心維繫跟拍拖近十年的女友的情感。
Stephy坦言：「我哋都各自試過愛情長跑，而兩個人長久相處，其實同婚姻關係好相似，所以喺拍戲嘅時候，都幾有共鳴。
「兩個人相處，就好似滾雪球咁，一個唔留神，愈滾愈大就會爆，到知道有問題，已經好難解決。」
Edward就表示：「我會企喺對方嘅角度睇，培養共同嗜好，都可以增進感情，我就成日同女朋友放狗散步，順便傾偈。」

電影關於婚姻生活，起初自然是甜如蜜，如何經營一段婚姻，屬高深課題。雖然兩位主角仍是未婚人士，但拍一套作品便能體會箇中奧妙，可算是當演員的「福利」。

 

電影的導演林愛華，稱電影較前作黑暗，「《12夜》講拍拖，可以輕鬆啲，但係《12日》講嘅係結婚，會Serious啲，因為冇得走。」

唱心聲

說戲，既然是《12夜》的概念延續，當然要貫徹到底，所以《12日》的主題曲，也由Stephy主唱，配合〈黑夜不再來〉的幕後主腦陳輝陽再次操刀，為電影譜出歌曲〈何日不再來〉。
以〈何日不再來〉作為歌名，Stephy表示這是製作團隊之間的共識，她說：「填詞以至整個製作團隊，都覺得歌名都應該有番呢種感覺，好似延續版咁，呢個想法好好玩，好啱主題。首歌係好無奈，嗰種無奈係好想講出嚟，但又唔敢講、唔想講，就好似女主角同男主角之間嘅關係咁，喺度爭持、角力，但同時間內心又好矛盾嘅心情。」
Stephy表示，自己向來很期待唱電影主題曲，「拍完《12日》好有畫面，唱主題曲嘅過程就好似俾我重新再演一次，係另一種好玩，同唱流行曲好唔一樣。」

 

人大了，更懂得享受生活，早前Stephy去了意大利旅遊，自駕遊經驗豐富的她，戴上手套以防曬黑玉手。

由Stephy與Edward主演的電影《12日》（右），是廿三年前上映的經典作《12夜》（左）的延續。