洪朝豐舌癌冇戒口
五十七歲嘅洪朝豐早前確診患上舌癌，雖然放棄做切除部分舌頭嘅手術；但佢抗癌方法多多，仲透露o依家接受緊中草藥治療，同埋去南京接受中醫團隊，為期三星期嘅診治。
早前，佢同男助手喺九龍灣展覽中心一間台式食肆醫肚，東姑見佢個樣精神奕奕，同助手有講有笑，而佢亦冇戒口，食雲吞、飲凍檸茶，食得相當滋味。之前佢表示，因為舌癌，條脷同埋牙肉發炎，搞到講嘢、食嘢、唱歌、吞口水都會痛。o依家見佢食嘢咁好胃口，都戥佢放心啲，希望佢接受完治療後，全面戰勝癌魔，早日康復啦！
洪朝豐同助手喺餐廳醫肚，見佢邊食邊同助手有傾有講，心情同埋精神都唔錯。
佢之前透露條脷發炎，令到食嘢和吞口水都覺痛，但當日佢食雲吞時都冇異樣，似乎病情受到控制。
洪朝豐抗癌態度正面樂觀，未有因病而特別戒口，食得滿足。
