洪朝豐赴台散心療舌癌

現年五十七歲、曾患有抑鬱狂躁症嘅洪朝豐，月初驚傳再患上舌癌。當時，佢就透露自己嘅舌頭發炎已經超過一年，但一直都醫唔好，結果後嚟經精神科醫生轉介，去咗睇耳鼻喉科，先至發現細胞病變去到第二期。卒之喺上周一（十六日）， 佢被確診患上舌癌。

當日下晝，佢就去咗油麻地睇中醫，而個中醫就分析，話佢個病或多或少同遺傳有關。事關洪朝豐老竇早年試過有鼻咽癌，之後就死於肺癌；佢又補充，因為阿媽生前有老人痴呆成十七年，令到佢鬱住鬱住，可能就因為咁而病發囉。

至於洪朝豐個心肝寶貝仔洪葉，因為喺英國，未能即時收到消息；不過，佢就話一早已經同個仔交代咗身後事，仲希望死後可以捐晒啲身體器官出去，而遲啲都會立埋遺囑，但就唔想搞喪禮，淨係想將遺體火化之後，再舉行海葬。日前，東姑就打電話向佢問候一吓，佢語氣平靜咁話：「我唔想再講個病喇，多謝關心。」

而東姑就發現佢日前飛咗去台灣散心，仲遊覽咗唔少景點，兼拍照留念，而相中嘅佢心情愉悅，完全冇病容或愁絲；相信今次台灣之旅，應該對佢嘅病情有所幫助，希望佢可以早日戰勝到癌魔！

早前，洪朝豐飛咗去台灣旅行， 期間佢遊覽咗墾丁著名嘅滿州港口吊橋，仲喺橋上面做出大字形甫士影相，望落好生猛，唔似有病。

此行，佢又去埋台灣最南點觀光，而當佢見到有個混凝土建成、類似風帆嘅建築物，不忘赤腳攀上去拍照留念，似乎仍有力氣。

另一日，佢又去埋台灣八景之一嘅鵝鑾鼻碑「打卡」，吹吓風， 疏乎一番。

期間，佢拎着罐可樂喺海邊漫步時，望到天邊有彩虹，即笑到見牙唔見眼。

洪朝豐同前妻葉桂好育有一子洪葉，