如珠如寶 林嘉寶
名人二代、三代的新力軍,放洋留學後陸續返港。當中慈善名媛、公益金名譽副會長林李婉冰的女兒林嘉寶(Jenny),不時陪母親出席社交派對。廿三歲的她,去年八月開始在佳士德拍賣行的珠寶部工作,見盡價值連城的珠寶首飾。
「其實每年生日都會收到父母送嘅一件珍珠首飾,爹哋、媽咪話送珍珠代表係掌上明珠,都唔記得收過幾多粒,通常我睇一睇,佢哋就會幫我收埋。到我開始返第一份工作,爹哋送咗一對鑽石耳環畀我,每隻有一卡半。」
她大學選擇修讀政治,畢業後一心考政務主任(AO),點知發生佔中事件,立即被父親煞停,「我想做同政制有關嘅嘢,我篇大學論文係講房屋政策,但佔中之後,爹哋反對我做相關嘅工作,o依家讀緊珠寶鑑證。」
身為林家的掌上明珠,父母又點捨得她被人指指點點?
林嘉寶穿上媽媽的Chanel裙拍照,特別醒神。鏡頭後,林李婉冰特地抽空來探班,見女兒正在街頭拍照,她知情識趣地說:「我唔阻你哋,去隔離Chanel睇下嘢先。」
放棄從政
訪問當日,林嘉寶應記者要求自備兩條裙和高跟鞋,其中一條是Chanel的連身裙,記者笑問她每季是否可以放縱任買?她笑說:「條裙係媽咪嘅,我哋會交換衫着,我買開嗰啲衫好平,媽咪都有留番啲手袋畀我。」
林嘉寶經常笑面迎人,似足她母親林李婉冰一樣。其母林李婉冰出名是公職王,做善事出心出力;父親林普桂是成立嘉利美商(集團)的主席,主力生產家庭用品,當中有出口至歐洲的Tasco 、Harrods的PVC袋,「媽咪係我榜樣,佢個位好難做到,佢教我要盡量幫人。做女仔要大方,做嘢就要勤力,凡事都要盡力去做,但唔好求回報。」
母親多年來廣結人緣,對她在拍賣行工作很有幫助,「公司除咗珠寶、中西名畫、瓷器,仲有手袋拍賣,好似好多女性鍾意嘅Hermes鴕鳥皮、蛇皮手袋。有啲auntie一直搵唔到想買嘅款,每季拍賣前,我都會預先通知佢哋留意。」
由心目中理想的政府工,突然轉戰到拍賣行工作,林嘉寶坦言亦非偶然。父母自小鼓勵她做暑期工,爭取工作機會,預先摸索自己的興趣和專長,她先後做過公關公司、商台謝茜嘉的節目助理、律師行、恆生私人理財、利豐、佳士德拍賣行等暑期工,最終覺得對拍賣行工作興趣最大,於是向前上司自薦做全職員工,「近年做拍賣幾辛苦,有時會做到夜晚八、九點,爹哋媽咪冇意見,我鍾意就得,後生可以搏啲。我喺珠寶部乜都做,收貨、定價錢、寫簡介等,最重要係簡介嗰部份,拍賣會頭幾日要不停答啲客嘅問題。」
父親林普桂、母親林李婉冰、大哥嘉豪(右一)和二哥嘉傑(左一)到英國出席她的畢業禮,一家人都錫到佢燶。
她近日喜歡玩boxing,每星期至少去一次拳館,看她出拳相當有力,在擂台上有姿勢有實際。