張德江順利訪港 一哥真人發聲答謝手足
「大家好,我係CP,飛機起咗飛喇,大家過去三日工作都非常辛苦,我睇到一啲個別突發性事件,大家都處理得非常好,都有良好計劃,前線同事亦盡心盡力執行任務,令成個行動非常順暢……多謝大家。」
全國人大常委會委員長張德江的三天訪港行程,上周四中午結束,在他登上專機離開後,全港當值警務人員即收到一個小驚喜,就是透過警隊大氣電波,聽到一哥盧偉聰親口讚賞。
有老差骨話,其實好多環頭指揮官,得知前線人員做得辛苦或破咗大案,都會用對講機為手足打打氣以示鼓勵,不過由一哥親自開聲答謝「全世界」,就真係極罕見,所以大家都好興奮,甚至有人「用自己方法」錄低咗段聲演,開心「些牙」畀錯過咗嘅同袍。