爆閃分內情 直擊方力申Stephy最後談判飯局
方力申（小方）和鄧麗欣（Stephy）原本被認定是娛樂圈的金童玉女，但十年情卻突然爆出分手，令全城震驚；而「閃分」的內情，當然亦最惹人猜測。
其實，兩人的感情早在三個月前已經出現問題；在冷靜期內，小方更想盡法子「箍煲」，不過始終不能打動Stephy回心轉意。
早前，本刊直擊到小方與Stephy分手前的最後談判飯局。席間，兩人雖然已經貌合神離，但男方仍然竭力討好女方，可惜，十年情最終覆水難收。
三個月前，小方和Stephy便已出現感情問題，早前，本刊直擊兩人開餐時，亦見兩人貌合神離，分手早有先兆。
灑淚講「分訊」
方力申（小方）和鄧麗欣（Stephy）在上周四（十七日）透過經理人公司發出聲明，宣布結束十年情，坊間都非常震驚，一段大好感情，為何落得分手收場？上周五（十八日），男主角小方在公布「分訊」後，首度現身面對傳媒，他在剖白分手細節時，更兩度落下男兒淚，令人心酸！
小方心情沉重，一開始便眼紅紅說：「其實我同Stephy由地下情開始，後來畀人影到先至公開，既然開始低調，本來分開都想低調，但噚日睇到好多關心我哋嘅朋友短訊，⋯⋯我哋當然知道十年係好長時間，要公布嗰刻，我係攞住電話睇住時間，隻手震得好犀利！」
小方哽着咽、眼泛淚光，強調分手是兩個人的決定，感情早在電影《紀念日》上映前已出現問題。當時選擇不公布，一是不想被人攻擊為電影宣傳，二是兩人都珍惜這段感情，所以訂下一段冷靜期，試圖挽救。無奈，最終就在拍拖十周年紀念日和平分手。
被問到分手原因？小方否認跟結婚有關：「係解決唔到嘅問題，但結唔結婚，唔係我哋嘅分歧。（解決唔到嘅問題關性格事？）對於我嚟講，問題唔重要，結果重要啲。」而問到拍《紀念日》是否分手的導火線？他說：「拍之前都講過擔心影響感情，可能都有啲。」據知，電影裏有不少情節，正是由兩位提供給導演葉念琛，戲中男女主角經歷十年相處後，感情由濃轉淡，男方將一切變成理所當然，好容易忽略身邊人；而女主角為事業拼搏，亦為關係帶來不少衝突和磨擦，兩人矛盾漸生。
開餐時，小方和Stephy傾偈交談的時間並不多，兩人更各有各掛住玩電話，Stephy更黑口黑臉。
「落力為你好，得不到分數。」Stephy不太受落的表情，看來小方的殷勤還是徒然。
飯後，一個行前、一個行後，絕不合拍，Stephy更一直鼓起腮嬲爆爆。
被嫌冇進取
知情者透露：「小方好多嗜好，玩車、健身、打波乜都啱，有時約朋友去玩，仲多過陪女朋友，一齊耐咗就更加『老奉』！明明女友喺隔籬，都只係掛住玩電話，冇晒驚喜、冇晒情趣，Stephy係睇到問題，開始有啲心淡。」與此同時，Stephy在事業上仍然有很多追求，除了演藝工作之外，她既搞自己品牌的時裝生意，又認真搞排球隊，小方反而覺得女友浪費太多時間。「男嘅安於現狀，公司派乜就做乜，做完就去玩；女嘅就有目標、有理想，嫌男朋友事業不思進取，感情又冇盡力維繫過，兩個人喺呢啲問題上面拗過無數咁多次。」知情者續說，Stephy性格硬頸，小方就「軟皮蛇」，每有拗撬後當冇事發生，但心裏不免有條刺，於是感情開始出現裂縫。
據知，兩人關係急轉直下，是約半年前Stephy決定「分居」，搬離原先跟小方同居的碧瑤灣愛巢。那時，小方都未知事態嚴重，以為女友好快嬲完，繼續「唔嗲唔吊」。直至三個月前，Stephy忍冇可忍主動提出分手，小方才盡力「箍煲」。
小方現身面對傳媒剖白分手因由，講到傷心處幾度眼紅和哽咽，更兩度落淚。
