吳若希變豬頭骨

吳若希（Jinny）與鄭俊弘（Fred）同屬星夢唱片公司，好多時都有合作機會、同場演出咁。表面上，兩人係好好拍檔，實情原來阿Fred啲粉絲，一啲都唔like Jinny黐住晒，仲當正佢係搭單豬頭骨咁，非常之嫌棄。

早排，東姑收到聲稱係阿Fred粉絲嘅投訴，話之前喺尖沙咀某商場搞簽唱會，Jinny啲入場證多到派剩晒。為咗場面好好睇睇，逼阿Fred啲粉絲要Jinny啲證唔在講；直到最近辦另一場簽唱會，唱片公司更索性安排Jinny黐住阿Fred一齊搞。

阿Fred啲粉絲覺得要硬食埋Jinny都幾惡骾吓，而最弊係自己偶像啲資源，畀人哋分薄晒，所以不吐不快喎！

阿Fred啲粉絲投訴，話佢哋凈係想要鄭俊弘簽唱會嘅入場證，但就硬送吳若希，覺得呢嚿豬頭骨好惡骾。

阿Fred啲粉絲好人強馬壯吓，但佢哋就唔多情願幫埋Jinny撐場囉！

唱片公司為幫Jinny充撐場面，索性安排阿Fred同Jinny一齊搞簽唱會。