路，有分很多種，當大路不適合你時，拐個彎走入小路，視野反而更廣闊。現年二十四歲的鄭丹瑞長女鄭瑤（Zaneta）亦深信這個道理，決定反其道而行。

九四年全家移民加拿大，九八年回流香港的鄭瑤，先後到美國修讀英國文學及政治學，其後轉到英國修畢莎士比亞歷史系碩士，妹妹鄭珉（Amanda）更進修偏門的考古學，打破一眾香港人愛讀金融學的迷思。

兩姊妹之所以如此與眾不同，皆因有個非常老竇。

「我估唔到啲人會咁大反應，爹哋成日同我講，路係要靠自己打出嚟，而唔係靠人畀條路你行，你日後想行咩路，就要自己去搵。好多人問我，讀呢科（文學、政治、歷史）日後有咩出路？我無諗咁多，只係因為鍾意，到時自然搵到（出路）！」

行行出狀元，只要是有心人，不愁沒出路。

讀書讀上癮的鄭瑤，由美食作家Nigella Lawson、美國新聞主義之父Tom Wolfe到莎士比亞的書都愛看，「我乜書都睇，但就比較少睇中文書。」

仍未移民到加拿大前，鄭瑤一家居住在九龍塘又一居，「細個試過畀人以為我係男仔。」

從小與爸爸關係親密的她，視父親為學習對象，「佢做司儀轉數真係好快，我仲未夠班。」

11A狀元

我一直視旦哥為偶像，傳理系出身的他，曾在兩間電視台和兩間電台工作，台前幕後瓣瓣掂，由三個小神仙到商台營運總監，由廣播劇《小男人周記》到電視劇《金牙大狀》等，歌影視播都非常出色。早前在一時裝派對上，他帶着兩名女兒出席活動。細問之下，旦哥告訴我，原來大女兒鄭瑤鍾情時裝，甚少出席社交活動的他，也破例跟女兒一起前來。

初見鄭瑤，笑容非常甜美，一口鬼妹仔口音，成功遺傳了爸爸的精明頭腦，於英國中學會考考獲11A佳績，更精通中、英、德、法文四國語言。「正確啲嚟講，我係有九個A*，兩個A，我好失望，因為有兩科無星，我哋學校無分一二三名，但我一直都係攞開A grade，從細到大所有科目都係top brand，除咗數學之外。」

齋聽銜頭，已經令人嘩聲四起，先後到美國賓州大學及倫敦大學學院深造的她， 曾於英國時尚雜誌《Tank》做編輯，又於TVB前著名監製葉潔馨所開的公關公司工作，現擔任FleishmanHillard財經公關的她，準備聯同好友創立時尚雜誌，進軍時尚界。

「好多人問我，讀文學、政治、歷史日後有咩出路？我無諗咁多，只係因為鍾意。當初我係德瑞（國際學校）辯論代表隊， 因為辯論題目多數係關於政治，所以我就覺得日後一定要讀政治歷史。升咗上大學後，同我第一個男朋友分手，簡直係世界末日！就開始着好多黑色衫，啲人竟然讚我着黑色着得好睇，我又開始睇時尚雜誌 ，發覺原來自己鍾意fashion，後來去咗《Tank》做Intern，同PR接觸得多，想試吓從事PR行列，所以o依家就PR、時裝雙線發展。」