踏雪尋樂
這個冬天，是香港有史以來最熱一年，冬日氣溫唔夠凍，聖誕和除夕又點夠氣氛！城中名人想過白色節日，只好飛去加拿大、日本北海道等極寒之地踏雪尋樂。
看漫天飛雪擦身而過，怕凍？着多件衫咪得囉！
琦琦和女兒Ella（下圖）滑雪時，看到可愛的雪鹿，興奮走去鐵絲網前合照，鹿仔習慣成為佈景版，踱來踱去悠然自得，懶得理你。
Ella和好友打雪戰輸了，盡情瞓在軟綿綿的雪地上，之後又堆雪人，開心滿fun。
加拿大睇雪鹿
琦琦偕女兒任晴佳（Ella）到溫哥華旅行兩星期，過白色聖誕和新年假期，兩母女到whistler滑雪，又看野生雪鹿，最驚險莫過於親歷地震，母女齊齊逃亡，「當時我哋喺酒店房睇緊電影，突然感到強烈震動，我哋立即跑落大堂，睇見好多住客都跟住跑落樓，原來酒店附近發生地震。」滑雪好玩，地震逃亡又刺激，此行一定好難忘。
