女神傳 陳瀅
剛過去的二○一五年，對陳瀅（Jeannie）來說，是神奇的一年。「一切都好似嚟得好快、好突然咁！」
首先，是去年初劇集《四個女仔三個Bar》，令她初嚐成名滋味。「套劇播出冇耐，我同劉佩玥同何雁詩去維園個花市，點知啲人見到我哋就好開心大嗌，起晒哄要同我哋影相！我嗰吓先感覺到：嘩！原來（成名）係咁o架？」
接着，她被封為「新一代宅男女神」，活動、代言工作接踵而來，有說她單是半年便賺了過百萬！「總數可能會reach到啦，哈哈哈！咁仲要分番畀公司（抽佣）o架嘛。不過真係我第一個事業高峰。」
再然後，她首次推出個人寫真，賣點已經是全裸！「全裸係去到拍攝現場先決定，老闆（種星堂的鄒世龍）同我講到明，影咗之後唔想出都冇問題，咁全女班製作，又清晒場，又唔會影到三點，我咪答應囉，o依家出嚟嘅shot都好artistic呀！」
至年底，她又因為跟賭王四太梁安琪長子何猷亨，被拍到在豪宅君臨天下平台十指緊扣，兼齊齊往北海道過聖誕，結果在除夕前，男的親口承認戀情：「我哋係拍緊拖，不過我哋想低調啲，唔想影響對方嘅工作。」而身在加拿大溫哥華的Jeannie，亦對外作簡單回應：「多謝關心，我哋係發展緊，希望將感情事低調處理，其他不實嘅報道，我唔想回應啦。」
一年間，可以有這麼多轉變，付諸這位女神身上，這不叫「神速」叫甚麼？
拍拖要平衡
訪問是在陳瀅和何猷亨公開戀情前做的。查實，那時候聲言仍是「單身」的她，曾自爆有圈外追求者，而談到擇偶條件，又剛好跟猷亨相當脗合。「我有少少肥底，所以對方一定唔可以瘦，如果瘦過我，我會冇安全感，哈哈哈！最好係聰明過我，教到我嘢啦！哈哈！」當時大概沒想到，這段情不認不認，在踏入一六年前還需認吧！
不過，對於那些已逝去的感情，Jeannie仍是很大方的。「我拍過三次拖。」第一段發生在她十七歲讀高中時候，對方是個單眼皮、眼細細的男生。「佢好怕醜，鍾意咗我好耐都唔敢同我講。有日lunch time好凍，我主動伸隻手入佢個褸袋度拖住佢，就開始咗。」拍拖期間，她為他做功課、揀選大學，甚至更連男友的起居飲食，亦照顧周到。「我乜嘢都lead住佢，但佢又好願意咁畀我lead。」這段puppy love最後維持了三年，便因為搬屋無疾而終。
第二次拍拖，彼此關係則剛剛相反。「佢鼻高高，外形好陽光，呢次係佢主動追我，不過一齊之後，好多嘢都好鍾意control住我……o依家諗番起，其實呢兩種關係，都好唔平衡！所以到咗第三次拍拖，我開始知道點樣去平衡番雙方嘅關係。」
