港視劇《導火新聞線》中的惡女總編汪海藍，生人勿近，一瞪眼一蹺手，霸氣盡展；演繹如此淋漓盡致的梁小冰，現實卻是丈夫陳嘉輝眼中的小女人、八歲兒子的娛樂部組長，主要負責陪玩陪食。

與陳嘉輝結婚七年才誕下兒子的梁小冰，正因孩子得來不易，忽變緊張大師，患上產後抑鬱之餘，更事事力求完美，「囝囝兩歲半嗰陣唔小心撞親額頭，帶佢去醫院縫針，點知縫咗條『蜈蚣』出嚟，唔得！我個仔要靚仔o架嘛，於是第二日即刻帶佢去整容醫生度全身麻醉拆線再縫！」現在，雖然兒子的傷疤幾乎無痕，但她後來卻從兒科醫生口中得知，全身麻醉一個小朋友有如扑暈他，對其腦部會有影響，「所以我一定唔會再咁做！嚟緊母親節，個仔特登叫老師教佢彈〈夢中的婚禮〉送畀我，因為我係個仔嘅情人囉！」

今年四十五歲的梁小冰，與陳嘉輝育有一名八歲的兒子Lewis，童顏依舊，羨煞旁人。

產後抑鬱

九○年港姐季軍梁小冰，轉瞬成為TVB花旦，並獲得「古裝皇后」的美譽；兩年後與合作拍劇的陳嘉輝互生情愫，相戀八年終成眷屬，兒子陳洋溢（Lewis）卻於七年後才誕生。「我諗我係拍劇捱壞咗身子，呢個仔真係好難先有，你問我想唔想生多個？想o架，不過冇，所以對個仔好緊張，我係有產後抑鬱o架！」其時的梁小冰，為兒子換片也手震，深怕會弄痛他，有時又會凝望着熟睡的孩子，擔心他會嘔奶窒息，「嘉輝見到我咁緊張，都好擔心我，所以提議由佢湊仔，我出番嚟做嘢。於是，個仔三歲之後，我就拍番劇，一直到o依家。」

梁小冰着重培育兒子的品格，經常灌輸他要孝順父母、尊師重道。

九○年參選港姐並獲得季軍的梁小冰，兩年後便與陳嘉輝相戀，○○年結婚。