樂瞳：「呢個世界只有父母當我係公主！」
樂瞳，原名龔茜彤，○六年參加《美女廚房》後加入TVB，自一一年起連續三屆獲提名「飛躍進步女藝員」；○九年進軍樂壇，曾奪得叱咤樂壇生力軍女歌手銅獎，先後推出過三張唱片。
她的歌聲，儘管未入民心，她的演技，卻備受認同，遑論其成就如何，樂瞳永遠是父母的「公主」，她帶着淚光的說：「我同屋企人表面上好似好疏離咁，但其實個心好錫大家，一有起事上嚟，我就會感覺到好多嘅愛，呢個世界上只有屋企人係最錫我，無論咩時候，佢哋都係咁撐我！」
TVB小花樂瞳的母親是公務員，鮮有面對鏡頭，這天被女兒取笑她拍照時全身抖震。
嚴管年代
今年二十八歲的樂瞳，童顏依舊，卻早已脫離兒時父母嚴管的年代，「我自細喺大澳長大，到讀中學嗰陣先搬番出市區，父母管得好嚴，放學返屋企一定要第一時間做晒啲功課，然後練鋼琴；食晚飯嗰陣先可以開電視，食完飯後要溫書，日日如是。」樂瞳扁扁嘴說，卻不忘感激當日的封建制度令她免入歧途，「不過都要多謝佢哋管得嚴，我先冇學壞，都有啲舊朋友舊同學誤入歧途o架。」
童年時代的樂瞳，每個周末也會隨母親到寓所附近的沙灘玩樂。
