○四年加入娛圈，自詡由少女變中女的董敏莉，帶着家人前來訪問地點，縱使已經三十有四，一臉稚氣猶像當年；外人看來星途平平無奇浮浮沉沉的她，沒有像被大台遺忘一群的自怨自艾，仍默默地在新城電台主持節目，並創作「小肥英」插畫，為將來鋪路。

慶幸八十後的董敏莉，能像現今九十後，沒有家庭負擔，只求自給自足，其母輕鬆笑說：「託賴上天畀我有福份，喺o依家六十五歲退咗休仲可以買乜食乜都得，又可以照顧到個女，我o依家只係希望個女有個好歸宿，等阿媽可以了咗件心事吖嘛！」

董敏莉的父母在她十五歲時離婚，及後各自再組家庭，但母女經常見面，感情有增無減。

大愛家庭

董敏莉上有年長十一年的姊姊和年長七年的哥哥，還有一個五歲大、同父異母的妹妹Summer，可是妹妹卻稱呼董母為嫲嫲，稱呼她的兄嫂為父母，「其實係因為我父母喺我中三嗰年離咗婚，跟住各自再組家庭，阿姨（爸爸的第二任太太）佗住Summer嗰陣，本來仲有三、四個月就生得，點知我爸爸突然中風過咗身；阿姨係香港人，但喺內地住，身體又唔係咁好，我哋就接咗Summer返嚟湊，想佢喺完整嘅家庭度成長，所以就叫兄嫂做爸爸、媽媽，但佢知道真正嘅父母係邊個，阿姨有時會嚟探佢。」董敏莉解說。

董敏莉既遺傳了母親白皙的肌膚，又遺傳了亡父的一對大眼睛。

董敏莉的姊姊比她年長十一年，哥哥則大她七年，但三兄妹感情深厚，無所不談。