有些人覺得育有小朋友的父母不宜同時飼養貓狗，因為有傳會影響小朋友的成長，或引致一些敏感症狀；剛於去年誕下女兒的獨立歌手鄧芷茵（June）則大唱反調。

鄧芷茵愛狗如命，自懷孕開始至今對五隻狗狗不離不棄，就連十個月大的女兒劉卓（J Lau）出世後，不僅對狗狗毫不畏懼，更主動親近，彼此能和平共處。「我反而驚佢打到啲狗，因為佢唔識就力，好彩我啲狗都好馴，有時佢一嘢打落隻狗度，整到隻狗面容扭曲，但隻狗只會走開，唔會搞BB。」

訪問當日，鄧芷茵與丈夫Patrick，連同BB女及兩隻可愛的芝娃娃P仔和豆豆，在Patrick售賣狗狗服飾的showroom內拍照，一家幾口，笑容一致。

人狗互動

鄧芷茵（June）在○九年加入歌壇，曾與來自日本的岩村菜菜美組成J-Twins樂隊；一○年獨立發展，現轉為獨立歌手。去年，她與從事家族製衣生意的未婚夫Patrick，在加拿大共諧連理，更在父親節當日誕下六磅十安士的女兒劉卓（J Lau），組成幸福小家庭。「本來諗住舊年年尾結婚，點知意外懷孕，所以早咗結婚，好彩咁啱同唱片公司完咗約，佗到七、八個月就返加拿大生。」有女萬事足的鄧芷茵，全力照顧女兒之餘，更不忘唱歌事業，最近推出與吳彤合唱的派台歌〈聽着幸福〉，並計劃於今年年中或年尾推出唱片。「我覺得做獨立歌手，時間上可以由自己安排，比較自由，方便照顧BB。」

鄧芷茵與鄭敬基都是歌手出身，老友鬼鬼。