郭羡妮 一個未夠數
去年十月下嫁內地武術導演朱少杰的郭羡妮，穿上婚紗依偎着丈夫的溫馨婚照，仍舊歷歷在目。轉瞬兩人的女兒Kylie，已經三個月大，既遺傳了母親標致的輪廓，其不斷的笑臉，也彷彿反映了已為人母的郭羡妮之幸福心情，令人不禁為她的喜悅而恭賀。
上周日（十九日），郭羡妮產後首度出席公開宣傳活動，大方分享湊女的樂事，不僅大爆老公茶粉當奶粉的烏龍趣事，又直言要追多個仔，更笑指女兒牙牙學語、精靈活潑，她笑說：「佢依家開始對人有啲反應，成日講『el-gu』，所以我叫佢做『el-el』，好得意o架！」
三個月前榮升人母的郭羡妮，於上周日（十九日）出席屯門卓爾廣場舉行的「卓爾愛家會」五周年宣傳活動時，已回復昔日苗條的身段。
郭羡妮直言整個懷孕及生產過程均不太辛苦，因此希望盡快追多個仔，湊成「好」字。
母女上陣
產後首度在港出席公開活動的郭羡妮，即使只是離家數小時，也非常想念家中的小寶貝，因此會經常手機不離身，不停翻閱女兒的照片，她笑言：「我幫個女影咗好多相、拍咗好多短片，成日喺個電話度㩒出嚟睇，好在今日個活動好快完，好快可以返屋企，所以暫時我都唔會出埠做嘢，內地劇都唔拍住喇，我諗如果要出埠，我都會帶埋個女。」至於身在內地工作的朱少杰，也要求太太郭羡妮傳送女兒的得意短片，讓他一解相思之苦，「等個女半歲大，抵抗力強啲，都會帶佢去探爸爸班。」
郭羡妮的女兒Kylie，在上周三（二十二日）已足三個月大，其可愛照片不時在微博中出現，她更坦言不介意母女上陣接拍廣告，「我都想呀，我平時都成日上載囡囡啲相上微博，係開心事嚟o架嘛，我唔介意佢曝光呀，不過就冇諗住擺百日宴，一家人食餐飯算喇。喺嚟緊九月中要開拍無綫劇集《初五啟市錄》，做一個大家姐嘅角色，都有發揮嘅，應該幾辛苦，到時囡囡會由我媽咪湊，所以我諗囡囡最快識嗌『婆婆』，因為婆婆抱得佢最多。」
早前，佘詩曼到郭羡妮家中探望Kylie，還親自餵奶，大讚BB乖巧漂亮，討人歡喜。
