熱烈滾久
我一直支持有才華嘅創作人，導演火火（李家榮）係其中一位代表人物，最近佢即將有新作舞台劇《愛可以多狗》公演，我就誠邀導演、監製兼演員EO2成員Otto（王志安），聯同一眾演員：細蘇@903、Leo@903、舞台劇演員陳康、陳僖儀（Sita）同小胡@YELLOW，齊齊到位於尖沙咀嘅「聚手工火鍋」，「滾」住細數愛有幾狗或有多久。
一邊品嘗餐廳熬足5小時嘅特色魚湯湯底，一邊聽咁多人才分享對愛嘅意見，確實係一種享受。
我同《愛可以多狗》一眾精英：Sita、火火、陳康（前排左至右）、小胡、Otto、Leo同細蘇（後排左至右）滾住傾，愈傾愈有feel。
Otto（右）婚前都有愛得「狗」事件，依家佢已經修心養性。
火火（左）慧眼邀Sita（右）參與舞台劇演出，我以新鮮嘅活魚刺身（時價），祝佢哋Good Show。
狗久相通
導演火火喺2011年與商台製作過舞台劇《戀Love Love》，叫好叫座，今年同Otto拍住上，製作一連四場嘅《愛可以多狗》，因為反應熱烈，已鐵定加場。火火直言，構思今次嘅舞台劇，因為眼見身邊有唔少朋友都對感情唔認真，包括埋以前嘅自己，「我成日比喻，依家啲人拍拖好似換新手機咁易，唔使等到壞，只要覺得個款舊就換新，或者同一時間有幾部機。相比上一代有部電視睇吓已經好滿足嘅人，真係好感慨。
我嗜辣，最啱點呢個正宗麻辣四川鍋（$108）。
「所以今次我哋有18個男女演員，就已經有10段男女關係，都幾複雜吓。而劇名《愛可以多狗》，除咗有『狗』嘅含意之外，亦都有『久』嘅意思，其實每年大家都會聚一聚搞吓呢啲舞台劇，感覺就好似一年一度盛事咁。雖然去年《戀Love Love》有Otto與細So嘅咀戲場面挑戰觀眾極限，不過上次已經係最盡嘅演出啦，都無得再盡啲，所以今次呢齣《愛可以多狗》唔會再有呢類場面，反而多一啲靈性上嘅殘酷，畀觀眾多啲思考位。」
哈哈哈！今年火火再接再厲，仲加入咗一啲生力軍，為舞台劇加入新元素，「好似焦媛咁，佢平時為唔少攞命劇種擔任女主角，今次生活化嘅感覺重啲，對佢嚟講都係一個新嘗試。」
「聚手工火鍋」每日都有新鮮刺身空運抵港，詳情可向餐廳查詢。
特別推介呢個招牌梭羅魚湯底（$138），每日以5斤梭羅魚熬足5小時而成，既清甜又有家嘅味道。
人才濟濟
除咗焦媛之外，Sita今次為火火獻出第一次舞台劇演出，飾演Otto嘅小三，佢喺排練過程中，都有用自己以往嘅戀愛經驗，幫自己入戲。「現實生活我就未做過小三，反而試過畀之前嘅男朋友呃，當時佢喺外國讀書，我發現佢同另一個女仔去旅行，將啲相放晒上網，之後佢返到香港，我就原諒咗佢。點知佢喺我生日嗰日，又同另一個女仔有啲嘢，嗰次我真係徹底死心。」
至於Otto，不論劇中或現實中都係已婚男士，佢依家就修心養性對太太一條心，但以前佢都試過「狗」待女友，「我以前傷過好多女人，曾經喺同一時間，同五個女仔拍拖，見一個瞞一個。諗番轉頭，其實過程好辛苦，但係嗰時我又好貪心，所以先有咁嘅情況。」
Leo（右）同陳康（左）話盡量以生活化方式演繹角色，令觀眾容易有共鳴。
細蘇（左）飾演焦媛嘅「夢中情人」，比小胡（中）同Sita（右）要受「情傷」，較少「傷心」。
火火嘅創作力一向無限，今次嘅舞台劇係佢對時下年輕人愛情嘅特別見解。
精選牛肉四式（$258），可以一次過試晒唔同嘅牛，最啱貪心牛魔王。
招牌手切本地牛頸脊（$198/$268），脂肪分布均勻，入口即溶。
反映實況
小胡同陳康喺劇中係好兄弟，但暗地裏又各自同對方嘅女友搭上，關係錯綜複雜。小胡話：「劇入面嘅我以為食兄弟條菜，食得神不知鬼不覺，其實自己女友畀人食咗都唔知。後來劇情講我女友有咗，我滿心歡喜，但其實個BB唔係自己嘅。」
至於細蘇同Leo，喺劇中係「唔狗」一族，一個飾演焦媛嘅幻想對象，一個就係Otto同事，但過程中都有一定驚喜。
火火嘅作品，有天馬行空亦有貼近現實，今次屬後者，我以美酒，祝佢哋good show！乾！
美食當前，Otto、陳康同Leo都落力享受。
我以美酒祝《愛可以多狗》good show！乾！
手打四寶丸（$88），可隨個人口味加入餡料，包括鵝肝、鹹蛋黃、芝士、蟹膏等，只需多加$20。
酥炸桶蠔（時價），外脆內鮮。
牛栢葉（後，$88）同海鮮福袋（前，$78），前者新鮮，後者為餐廳精製。
