鄭維榮勸仔仔遲婚
永泰控股鄭氏家族喺新加坡好威,有唔少地產項目,佢哋早年已預見國內發展潛力無限,好早已經喺內地有投資,近年中國經濟騰飛,永泰副主席鄭維榮就派咗二仔去北京睇住盤生意。
不過,鄭維榮最近好頭痛,皆因佢個二仔喺北京識咗位上海姑娘,本來呢位二公子都三十歲,識女朋友好正常,甚至成家立室都係時候;但鄭維榮就話,聽過好多人講內地女仔靠唔住,佢擔心若有乜嘢事情發生,個仔會為愛情受傷。
但係當面講又好似唔係咁好,於是乎不斷勸個仔要遲婚,並曉以大義話男人最重要事業,愛情並唔係第一位,婚姻對象可以慢慢揀,即使揀到四張嘢都唔遲o架。
一言過去都聽人講過,上海姑娘好有辦法,結婚前千依百順,溫柔體貼,但結婚之後角色大轉移,老公嘅財產全部要畀老婆管;唔怪得一言老友話,港男可以跟上海妹拍拖,但結婚就要諗清楚。所以鄭維榮咁擔心,都唔係冇道理。