Goblin mode，中文是「哥布林模式」，意思近似躺平，是今年《牛津英語詞典》的年度代表字。
2022年，代表蔣家旻的，大概也是Goblin mode，入行十六年的她，近年飾演過的角色，遠如兩年前《反黑路人甲》的「水姐」，近的，就是今年令人看得咬牙切齒的《美麗戰場》「反骨琪」。前者為她帶來了「飛躍進步女藝員」一獎，後者亦已獲得「最佳女配角」的提名，奪獎呼聲也甚高，正在叫胡中。
說蔣家旻goblin，並不只因為三十三歲的她，仍有精靈般的端顏，還有她等待結果的心態。
「作為藝人，始終有好多嘢唔到我控制，入到圍，感覺已經係夢想成真。我最想係入到最後五強，有冇獎都係隨緣啦！我最驚係，最後唔係我攞嘅時候，我唔知俾啲咩反應好，所以我唔想俾壓力自己。
「我都有睇過入圍名單，當中好多人都有資格，去攞呢個獎。所以，我唔想俾自己咁大期望，到頭來唔係自己攞嘅話，我會好失望o架，呢家保持平常心就最好。」
躺平也許較為消極，蔣家旻的Goblin mode，是消極中帶點希望。而希望，不只於蔣家旻，在你我的生命中，從來不能缺席。

 

 

事業心

入行這麼多年，蔣家旻坦言，《美麗戰場》出街時，曾帶給她入行以來最大的迴響，「係嘅，係好多Noise，我亦才都好開心嘅，但係，有Noise都需要有實際嘅經濟效益，即係有錢落袋，但係暫時都未有。我明白o依家市道艱難，所以迴響未必可以轉化為收入，但係我會努力，以搵多啲為目標！」
勞力是無止境，蔣家旻的事業心，曾令她庸人自擾，「有十幾年，我都好執着工作同位置，將事業擺喺第一位。有一段時期，每次我有劇出，我就喺網上search自己個名，睇吓網友有咩comment，再睇埋同期有邊個跑出⋯⋯一有唔如意嘅時候，自己就會好唔開心。」
令執着的天蠍座覺悟，是健康的警號，「年紀愈大，身體開始逐漸出現問題，o依家我有偏頭痛同濕疹，所以我覺得要調整一下自己嘅心態。第一樣嘢就係戒睇娛樂新聞，費事咩都比較一餐。」
現在的蔣家旻，追求工作與生活的平衡，上周播畢的旅遊節目《45日環遊日本》，就是她享受的工作。
「我一直都好鍾意日本文化，自學咗日文十幾年，再考埋N2嘅試，所以拍完《美麗戰場》，日本又啱啱開關，我就跟住項明生去咗九州。拍劇要鑽研角色，我會俾咗壓力自己，但係拍旅遊、綜藝節目，就可以寓工作於娛樂。」

《美麗戰場》的「反骨琪」一角，除為她帶來角逐「最佳女配角」的提名，也是被她稱為入行以來的「人生角色」。

二一年，她奪得「飛躍進步女藝員」一獎，男藝員獎項的得主，則為其舊愛朱敏翰。二人在一四年分手後，仍保持友好關係。