張建聲花市招積

入行七年嘅張建聲，舊年憑住網劇《反黑》中嘅「招積」一角，一鳴驚人，演技備受肯定，點解幾年之間，佢嘅演技可以進步得咁神速呢？佢同東姑講，多得導演胡耀輝教路；加上，自己一直不停揣摩，終於領略到箇中嘅道理，所以先有今日嘅成績。

人紅就自然多機會，老闆蕭定一喺今個農曆新年，就安排咗張建聲，有兩日時間去維園花市做宣傳，兼直接聽吓粉絲嘅意見。當晚，啲粉絲就排住隊搵佢影合照，為咗滿足大家嘅要求，搞到佢成晚都只係有得企冇得坐；而仲keep住個「招積」造型嘅佢，似乎返唔到轉頭。佢再同東姑解釋，驚染番黑個頭，分分鐘冇人認得喎。如果係咁，東姑提議啲染髮用品搵佢做代言人，一定夠晒睇頭！

張建聲嘅女友陳嘉莉（Kelly），確係跟得女友，花市咁鬼擠迫，佢都完全唔介意成晚陪住男友。

見到粉絲咁熱情，張建聲都非常咁開心，梗係有求必應啦！

早前，佘詩曼（左）喺《楝篤特工》首映禮，同張建聲玩到癲，仲攞住支玩具槍指住佢個頭，叫人影相添。