糖妹人細「篋」大
糖妹（黃山怡）身高四呎十一吋，身材細細粒粒，都有細粒嘅好處；好似，雖然今年佢已踏入三字頭，人到三十歲，但係睇落仲係似廿歲o靚妹咁，o氹得唔少宅男為佢暈晒大浪。
早前，東姑見佢出席完一個公開活動，離開時，就有唔少fans追住佢「集郵」。不過，佢應該十分趕時間，好快就跳上保母車，然後，架車直駛去港澳碼頭。落車時，見佢全身上下已經換晒便服「大變身」，由助手拖篋送佢到閘口。之但係，入閘就可憐佢要自己顧自己喇；東姑見佢矮妹「三吋釘」身材，好吃力咁推住個大篋搭船過「大海」，喺呢個時候，可能佢又希望自己高番幾吋喇！
可憐助手只送佢到港澳碼頭嘅閘口，佢要自己拖住高過半個身嘅大篋，入閘過澳門。
短短車程，糖妹已經喺保母車「大變身」，換晒全身便服到達港澳碼頭。
細細粒粒嘅糖妹，三十歲睇落似廿歲o靚妹，迷倒唔少宅男粉絲，等佢活動後「集郵」。
