梁小冰帶美魔女團
九八年，由陳小春做韋小寶嘅電視劇《鹿鼎記》，幾個靚老婆「阿珂」梁小冰、「建寧公主」劉玉翠、「曾柔」陳安琪、「雙兒」陳少霞、「蘇荃」馮曉文、「方怡」徐濠縈以及「沐劍屏」鄺文珣，得閒都會聚下。雖然七個年紀都唔細， 但係個個都似足美魔女，keep得好好。
日前，東姑見四位「韋小寶太太團」又有聚會喇！ 今趟係為慶祝馮曉文嘅五十歲生日，梁小冰帶頭發起，結果有鄺文珣、陳安琪出席。席間，少不免要影番啲靚相呃like，即使佢哋用咗美肌apps影相，但係東姑都睇得出四位「冰齡美人」，同當年真係相差唔遠，依然青春、可愛，恨死唔少港太囉。
四位「韋小寶太太團」年齡平均四十五歲，不過望上去依然美麗動人。
現年四十五歲嘅「曾柔」陳安琪（左），係九六年落選港姐，佢同四十七歲嘅梁小冰（右）， 無論身形與樣貌都keep得住。
今次聚會由「阿珂」梁小冰發起，為「蘇荃」馮曉文慶祝五十歲嘅生日。
