港Band5仔 澳洲闖出一片天

三十四歲的李偉傑（Keith）在香港讀書不成，中五畢業後做過地盤佬、電訊銷售員等工作，機緣巧合下到澳洲「工作假期」，成為人生轉捩點。

遠赴澳洲，對Keith來說可謂背水一戰。他自爆當時家人並不支持，自己又不懂英語，幾經艱辛在墨爾本找到一份賣電話卡工作，憑苦練終於學好英文。

其後Keith跑到澳洲北部、有世界著名景點大堡礁及熱帶雨林的凱恩斯當導遊，負責帶中國團。因工作勤奮，得到上司賞識。「有日老細問我想唔想留低，我就開始喺澳洲讀旅遊管理。」當年半工讀，第一年每星期上學五天，星期六、日做導遊，又幫人管理Share House幫補學費，「放學仲要做功課，真係忙到無得瞓！」

四年前，Keith看準愈來愈多中國旅客到凱恩斯，於是創立自己的旅行社「樂事多假期」，主攻中高檔市場。他坦言市場競爭激烈，不少過江龍投資數千萬元掃入多架五十人大巴，資金上無得鬥。「初初租車做包團，之後買咗第一架Benz八人車，專攻小眾私人包團，包埋司機加導遊度身訂造行程。依家一年營業額有二百幾萬港幣。」

由初時一無所有，到現在在澳洲有樓有車又有事業，Keith直言全靠港人愛打拚的精神。他計劃將生意開拓至新西蘭，「已經同嗰邊傾過合作，希望投資多兩、三部車，做大盤生意。」

Keith現時已購入四架不同大小的車用來接載旅客，生意愈做愈好，未來希望打入新西蘭市場。

Keith在澳洲做過多份工作，最後到凱恩斯做導遊，經過一輪苦讀，終獲上司賞識，留在澳洲發展。

Keith在澳洲捱了多年，終在凱恩斯買樓，面積二千多呎，連前後花園及車房共近五千呎。他笑說︰「只係五十二萬澳元左右（約三百三十萬港元），地權都係你嘅，比香港平好多！」