潘源良地鐵搣皮

李麗珍（珍妹）同填詞人潘源良，三離三合，上年六月就爆出佢哋第四度分手，有指潘源良對珍妹癡心一片，除咗租貝沙灣豪宅畀佢住，每個月仲畀十萬元做生活費。分手原因眾說紛紜，其一係珍妹個女許倚榕唔接受。不過多年來潘源良視倚榕有如自己個女，佢同珍妹相戀九年一場空，佢同東姑講：「精誠盡處非金石，眾口無權置一詞。」即係有幾多阻力都唔會放棄。

日前，東姑喺美孚搭西鐵，見到潘源良坐對面，着咗件波衫嘅佢，感覺非常之麻甩，坐喺度無所事事，左望右望，隻手開始古靈精怪，不停搣下巴啲皮，搣完又攞啲皮嚟玩，東姑愈望愈嘔心，連佢隔離嗰個阿嬸都驚咗佢，唔知係咪珍妹離開，搞到佢至今都無厘心機呢？

喺地鐵太無聊，潘源良竟然當眾搣頸上嘅皮。

搣完之後，佢仲要攞啲皮嚟望，望完之後再玩。

潘源良呢身波衫襯吊腳褲，十年如一日嘅麻甩look。

潘源良同李麗珍三離三合，結果上年最終係第四次分手。