買樓賀父親節 劉愷威全家出動唔見楊冪
近年主力北上搵人仔的劉愷威日前返港,帶齊全家出動去買樓,打算送樓給爸爸劉丹賀父親節,但過程中未見老婆楊冪的蹤影。
劉愷威日前回港,連日父兼母職湊女的他帶同囡囡小糯米和爸爸劉丹出門行街飲茶,但多日的親子樂就未見老婆楊冪同行。上周日中午,身穿黑衫黑褲的劉愷威低調帶同爸爸和囡囡以及工人姐姐到西貢清水灣道、近科技大學的新樓盤傲瀧睇樓。當日楊冪同樣玩失蹤,見劉愷威父子全程在三名地產經紀包圍下,連睇幾個大單位。當中包括三、四房大單位及特色戶。逗留約個半鐘,兩父子笑逐顏開,似乎已有心儀單位。
據悉,地產商在上周二(16日)起標售59單位,而現居西半山寶城大廈的劉愷威近日有意搵新竇,遂約相熟經紀去睇樓。而他當日對一個實用面積約1,700呎,擁逾千呎花園的地下特色戶最like,呎價約2.2萬,價錢近4000萬。最新消息指劉愷威已成功購下兩個單位,一個4000萬元特色戶自住,一個約1,800萬元三房單位就送俾父親,作為下月父親節大禮,認真大手筆!
上周日中午,身穿黑衫黑褲的劉愷威低調帶同爸爸和囡囡以及工人姐姐到西貢清水灣道、近科技大學的新樓盤傲瀧睇樓。
當日楊冪同樣玩失蹤,見劉愷威父子全程在三名地產經紀包圍下,連睇幾個大單位。
劉愷威和楊冪不時被傳婚姻出問題,不過二人矢口否認。