黃智賢親民搭枱
早前，黃智賢有份參演嘅《親親我好媽》大獲好評，帶挈佢拍廣告同劇接劇，今個周末又準備出發去加拿大登台，事業順境，心情當然靚爆。
在娛圈打滾多年嘅佢，突然人氣提升，但依然保持親民作風。日前，佢完成工作後，獨自駕車落大角咀買狗糧，不過見寵物店未開門，佢只得到旁邊的鍋貼店醫肚，邊食邊等。由於間鍋貼店都幾多人幫襯，東姑見佢冇架子，照樣搭枱開餐，雖然有啲食客眼望望，佢都唔介意，仲笑住打招呼。食飽飽，佢又順道行下附近嘅商舖，校啱時間才返去寵物店買狗糧。據知，佢同老婆唔生B，反而視家中兩隻狗女為女兒看待。東姑見佢一買完狗糧，便火速回家享「家庭樂」。
升呢為「男一」嘅黃智賢，生活貼地，一樣光顧平民鍋貼店。
當日佢胃口唔錯，共點了一碗麵、鍋貼及豆漿，全部清晒。
食完又行下，佢走咗入間運動店打發時間。
一買完嘢，他即自駕部白色Audi走人。
佢同老婆嘅心肝寶貝，就係摩天使Cream Cream和貴婦Pepper，因為同係狗女，笑言視佢哋為女兒看待。
