剛贏得第一千一百場頭馬勝利的前香港騎師、現職練馬師的告東尼，堪稱香港馬壇傳奇。其三十一歲女兒告崇（王安）（Antonia），雖不打算跟隨父親後路，卻繼承了父親的運動精神，一五年加盟健身運動平台GuavaPass，擔任總經理一職，推廣自選運動會所服務。

「我無論個樣、性格定脾氣都似足爸爸，但就唔及得佢咁厲害。佢對工作真係好認真，幾辛苦都會頂住，未見過其他人好似爸爸咁勤力，而且咁有成就，我覺得佢係最好！」

告氏勇往直前的精神，也許早已植根在告崇（王安）的DNA中，根深蒂固。

告崇（王安）熱愛做運動，想於夏天前，操fit身形：「我鍾意跑步、打網球、做瑜伽同行山，一個星期會做三、四次運動，每次一、兩個鐘。」

她曾於法國、英國、新加坡生活過，但始終最愛香港。「以前細個唔鍾意喺英國生活，所以六歲就返咗嚟香港，o依家亦會喺香港定居。」

炒股專家

於新加坡出世的告崇（王安），說着半鹹淡的廣東話，自小在法國及英國居住的她，七歲搬到香港，就讀英皇佐治五世學校，十三歲轉到英國留學，於Oxford Brookes University法律系畢業。但○六年回流香港後，她並沒有當上律師，反而轉行做炒股專家。

「因為我喺香港做internship（實習）嗰時，覺得（做律師）好悶，無乜興趣。爸爸又唔介意我做乜，所以就去北京學咗四個月國語，然後就轉咗去CLSA（里昂證券）做炒股，一做就做咗五年，再去新加坡RHB（興業銀行）做咗一年半 。」

做得炒股，應該賺了不少外快，不過告崇（王安）慨嘆，入行後不久便撞正金融海嘯，荷包難有大進帳。「我喺○七年十二月先開始做，○八年已經發生金融海嘯，公司cut人工又cut bonus，好灰！而且我每日要五點幾起身，六點半已經喺公司，七點半開會，好辛苦！連lunch time（公司）都唔畀我去gym，放工已經做咗十二個鐘，真係好攰！夜晚十點我已經頂唔順要瞓覺。」

市道差、壓力大，再加上與拍拖多年的男友分手，告崇（王安）慨嘆，入行後不久便撞正金融海嘯，荷包難有大進帳。「我喺○七年十二月先開始做，○八年已經發生金融海嘯，公司cut人工又cut bonus，好灰！而且我每日要五點幾起身，六點半已經喺公司，七點半開會，好辛苦！連lunch time（公司）都唔畀我去gym，放工已經做咗十二個鐘，真係好攰！夜晚十點我已經頂唔順要瞓覺。」

市道差、壓力大，再加上與拍拖多年的男友分手，告崇（王安）決定辭職，出走兩個月，到世界各地旅行，及做運動減壓。「喺新加坡識咗班朋友，我哋一齊做gym，咁啱有朋友想開間運動平台公司，我自己又鍾意做運動，就決定去幫手，係公司嘅第一個員工，幾乎乜嘢都係我做晒，試過由早上八點起身，做到第二日嘅深夜三點，雖然人工無以前咁高，但我做得好開心！」

一五年，一家人於新加坡慶祝父親五十九歲生日。

兩父女前年飛到杜拜觀看出賽馬匹比賽，再看演唱會：「o依家我好少出去Clubbing，太嘈太癲，好攰，可能我老啦！」