楊怡探鍾嘉欣同囡囡 感嘆小女孩變靚媽
楊怡、鍾嘉欣兩位無綫花旦升呢為人妻人母,各自都係人生路上搵到幸福,如今再聚頭,唔怪得楊怡、鍾嘉欣咁開心啦!最重要係兩位人妻都依然keep住咁靚。
數數手指,兩人10年前合作拍攝《溏心風暴》系列而熟絡咗,楊怡趁老友鍾嘉欣帶埋囡囡Kelly返香港期間,即約見面聚舊,開心分享素顏四眼合照,並留言道:「温馨幸福的晚上,終於見到漂亮的媽媽和可愛的Kelly B,人生路上真的很奇妙,一轉眼,我們已不再是小女孩,小生命就是歲月的見証,Love u My dearest friend」。唔知幾時到楊怡又生番個,同Kelly B一齊玩呢?
楊怡、鍾嘉欣因拍攝《溏心》而熟絡,兩位昔日無綫花旦今日都已經成為人妻。
鍾嘉欣早前帶同囡囡回港出席活動。
囡囡Kelly同似足爸爸Jeremy。