超激！黃翠如赤裸肉搏蕭正楠
台慶劇《幕後玩家》除咗有「小三」劉佩玥以低胸裝示人之外，佢同黃宗澤上演的床戲都幾火辣辣。而昨晚(12月1日)播出的最新一集中，在戲內飾演夫妻的蕭正楠及黃翠如仲喺浴室埋牙肉搏，好香艷呀！
劇情講到二人的婚姻出現問題，翠如約蕭正楠去南生圍踩單車、釣魚、野餐，令蕭正楠以為老婆主動破冰，想重修舊好。之後兩公婆Book間酒店房過夜，想欣賞埋日出咁話。戲肉到啦！鏡頭帶到蕭正楠露肉背沖緊涼，疑似全身赤裸的翠如突然拉開浴簾，令老公既驚且喜。在浴室中，二人肉緊攬實激咀，睇到觀眾紅都面晒，唔知戲外真情侶的翠如與蕭正楠又係咪拍得特別投入，奉旨「唇槍舌劍」呢 ？
可惜享受完春宵後，翠如竟除下婚戒冇晒影，最後仲離婚收場，「被離婚」的蕭正楠真係幾陰功，而變心翠如就投向蕭正楠好兄弟黃宗澤的懷抱。
蕭正楠露肉背沖緊涼。
全身赤裸的翠如走入浴室。
蕭正楠眼定定望實翠如。
兩個肉緊攬實激咀！
唔知佢兩個平時係咪都係咁嘅呢？
