32歲岑麗香晒鑽戒宣佈婚訊

「處女黨」成員喜事停不了，上周王君馨被爆同圈外男友秘婚，而今日(12月2日)下午就到岑麗香(香香)在社交平台宣佈婚訊。

上周一(11月28日)香香在機場被《東周刊》拍到趕飛溫哥華，為自己和男友強強 (Joshua)的婚事做準備。當時香香已大方表示：「婚禮大細唔係問題， 最緊要有好close嘅人觀禮，旅行結婚都好，最好有埋落雪。」今日香香就在社交平台上載一張與強強的親密合照，相中見到香香手上戴有鑽戒，並留言道：「我好感恩終於可以同大家宣佈，上帝畀我搵到我嘅Mr.Right 喇！多年前我哋喺溫哥華因為工作關係而認識，但自此並冇聯繫⋯估唔到多年之後，喺朋友嘅介紹下，我哋再次遇上⋯強強 (Joshua) 由朋友變成我男朋友，而到今日，成為我未婚夫！能夠同自己嘅心靈伴侶結婚，係一種幸福，我哋好期待踏上人生另一個階段，可以一同經歷神一齊成長。感謝我嘅家人、朋友、弟兄姊妹、同事一路幫我哋保持低調同保守秘密，多謝觀眾同粉絲朋友們一直嘅支持同祝福！感謝傳媒朋友一路以來對我嘅關心同鼓勵，拍拖之後你哋都好照顧強強。大日子快到了，宜家忙於準備，請體諒我未必可以完全回覆到大家。好感謝大家 你們的祝福我哋完全收到晒！主祝福你哋」。

據知，香香大婚之日已選定十二月初於溫哥華行禮，兩邊的家人及親戚朋友，都已陸續收到請柬。

香香今日突然在社交平台宣佈婚訊。

 

香香早已表示婚禮大細唔係問題， 最緊要有好close嘅人觀禮。