蔣怡急凍肉變正菜
名模蔣怡(Coco)舊年喺藍帶法國廚藝學院,修讀咗個九個月課程;而佢去讀書嗰陣,個囡囡只得歲半,全靠好老公翁狄森幫手睇住,佢先至可以實現呢個廚神願望。Coco話當時喺法國讀書期間壓力爆煲,又掛住女兒,真係辛苦到喊咗出嚟。返港後,為咗報答老公,Coco就不停煮好嘢畀老公食;同時,經常喺屋企宴客,一周落廚三次,中西合璧嘅技巧烹調,有唔少人食完都舔舔脷。Coco話最愛自創fusion菜式,呢半年嚟不停重複練習,招牌菜包括:醉乳鴿、醉鵝肝、脆炸酒釀排骨、慢煮叉燒等等,早排佢仲出書講留學學廚嘅點滴添。
為咗保持食物嘅溫度,Coco話佢會堅持食完一味菜、先會上另外一味菜,一餐飯可以食幾個鐘,媲美法國菜。不過咁樣整法,佢就搞到自己冇啖食。
做得廚師就冇份食,惟有喺廚房試食,啱啱畢業嗰陣都覺得自己係廚神,我仲同老公話,你成世都有米芝蓮嘢食,佢就偷笑。」
日前,東姑就喺將軍澳見到Coco,佢急急腳將架約值十五萬嘅Smart car車仔,停泊咗喺雙黃線,其實呢度仲要係巴士線先啱!佢違例停車,目的只有一個,就係趕住去街市買餸;見到佢咁趕,一定係買啲又靚又新鮮嘅食材為晚餐做好準備。為咗偷師,東姑靜靜雞跟住佢,睇下佢有咩秘方,點知Coco喺街市,除咗買嘅菜係新鮮之外,其餘都係急凍食品。能夠將急凍食品化腐朽為神奇,變成美味嘅菜式,難怪要飛到法國咁鬼遠學廚藝嘞。
着住條熱褲去買餸,Coco盡騷四十三吋長腿,大晒天賦本錢。
一三年,蔣怡與珠寶設計師翁狄森結婚, 同年七月誕下囡囡翁容。
能夠將雪藏食品,變成中西合璧嘅美食,東姑甘拜下風,Coco不愧係去過藍帶法國廚藝學院學嘢。
喺Coco揀選嘅食材裡面,只有菜係新鮮之外,其他都係凍肉食品。
用咗半個鐘頭揀食材,Coco就火速跳上車,返屋企煮飯餵滿老公。
皆因Coco將架車違例停泊咗喺雙黃綫,如果唔快閃,分分鐘有「牛肉乾」加餸。