青山洗腦歌 護士rap住宣傳打針
洗腦歌網上風行一時，近日fb瘋傳一段宣傳醫護打疫苗嘅短片。片中兩名戴太陽眼鏡、身穿護士制服嘅男女，企喺青山醫院石碑前，一路手舞足蹈，一路Rap歌詞：「I have a vaccine（我有疫苗），I got injected（我已打針）」，片尾仲彈出「愛人愛己，打針做起」嘅字幕。
呢對男女舞姿詼諧搞笑，幾日累積約廿萬點擊。據悉，片中男女唔係演員，而係青山醫院嘅護士。據悉，佢哋自發攝製，希望用創意手法鼓勵醫護打預防針。原本條片只喺醫院內部流傳，但唔知點解最近流出街，所以公眾都有眼福睇到。
青山醫院下月開放日，咁o岩流傳一段該院護士自製嘅「洗腦歌」短片，令人誤以為係院方嘅傑作。
