盛品儒暗玩交友網

或者有好多人仲認為「陌陌」、「微信」係最好用嘅交友app，但事實上呢啲已經out晒啦！早排，東姑聽朋友講最近hit爆嘅交友app，就係連電影《BJ單身日記：生得啦BABY》入面嘅女主角，都話要靠佢溝仔嘅Tinder。呢個app重點係多外國人玩，仲要係幾有質素添。

Tinder發言人曾經表示，每位用戶平均每天嘅使用時間長達九十分鐘，每日配對數量亦有成二千六百萬次，數字驚人。而Tinder嘅大部分用戶都係以Facebook帳號登入，系統就會自動顯示出你嘅照片、姓名、年齡等最基本嘅資訊，仲會有你大概嘅所在位置，想識人靠呢個app易過借火。

最近，東姑就試過上去玩吓（目及）吓有乜好嘢，仲揀咗想識三十五歲以上嘅男士，當中竟然有兩位俊男係香港嘅城中名人：巫翊鳴同盛品儒。

有「夜場大亨」之稱嘅三十七歲巫翊鳴（Xuan），雖然緋聞女友多到數唔晒，但都算係單身，玩吓交友app識吓女仔都不足為奇。之不過，今年三月先被爆出「曳曳事件」嘅盛品儒（James）， 仲敢借呢啲新玩意嚟識女仔，就真係有啲出人意表，唔通佢想畀老婆蔡一鳳「監禁」，先識得收手?

三十九歲嘅盛品儒James，向來紀錄不良，婚後繼續傳出風流事件，今次仲要畀東姑發現佢玩交友app識女仔，小心老婆嬲嬲豬。

向來鍾意chock住影相嘅盛品儒，呢張相雖然已經用咗美圖秀秀，但都遮唔到佢寺眼袋，小心啲索女嫌棄噃。

手執香檳嘅盛品儒，東姑記得佢去呢個活動嗰日，明明有帶埋老婆一齊o架，點解張相只係得佢一個嘅？蠱惑呀你！

出席活動時，盛品儒都會拖到老婆蔡一鳳實一實，大晒恩愛！