古巨基愛心爆棚

現年四十四歲嘅古巨基，今個月就會約滿英皇，近年喺內地大展拳腳嘅基仔，就向傳媒放風話，內地有財團出價兩億人仔畀佢開工作室。而諗頭多多嘅佢又表示，要做多幾盤生意，努力賺錢「餵」妻。基仔仲同東姑講，一直都有兼顧幕後工作，例如：演唱會製作、MV導演、服裝品牌設計等。咁多瓣數，唔怪得有傳佢一年勁賺逾八千萬啦！

日前，東姑發現腰纏萬貫嘅基仔，孖住老婆Lorraine去咗欣賞舞台劇，同行仲有幾位長輩朋友。一路上，基仔都對佢哋照顧有加，噓寒問暖之餘，更加扶上扶落；反觀，Lorraine就只係掛住攞部手提電話，幫老公仔影靚相。身家億億聲嘅基仔，依然愛心爆棚，真係抵佢發嘅。

見到老人家行唔到上個台，基仔即刻伸出關愛之手。

好多人見到基仔都上前打招呼，佢都以微笑作回應，表現有禮。

古太Lorraine只係掛住攞部手提電話，幫老公仔影靚相。