肥媽獻唱寸爆梁游
上周二晚，經民聯筵開四十席，慶祝成立四周年，撐場嘅個個都係猛人，除咗蘇錦樑、黃錦星等局長同大批商界代表，特首梁振英同三司亦畀面出席。當晚，歌手肥媽Maria Cordero表演助興，大唱〈做個勇敢中國人〉，掀起全晚高潮。
獻唱期間，肥媽借機抽水講梁、游宣誓風波，「啲唔鍾意香港嘅人走，呢班人無資格代表我哋，嗰兩個議員根本就係犯法！」之後，佢仲大唱飲歌〈萬水千山總是情〉，即興改埋歌詞，走近立法會主席梁君彥度，一邊拍佢膊頭，一邊望住特首唱了句：「聚散未必天注定，只要大家幫幫手就可作決定。」暗撐押後宣誓和釋法嘅決定，引來全場大笑。
