富貴燕窩 郭燕光
家族坐擁千億身家的郭鶴年二房細女郭燕光(Yen),二十六歲已經創辨了二手名牌衣飾網Guiltless.com,生意愈做愈大,財源滾滾,名副其實是富千金。
有屋企照顧,加上自己搵錢自己使,衣、食、住、行自然樣樣豪。近日她在網上豪晒座駕、堆積如山的名牌手袋和高跟鞋等,部分圖片更慷慨地帶大家窺探她的豪門香閨安樂窩,幕幕奢華生活確實令人葡萄。
層次分明
想知郭燕光屋企有幾大?睇吓有幾多層樓梯就會略知一二。早前佢影fashion靚相,揀咗喺樓梯位取景,相中所見上又得,落又得,即係間屋最少有三層,或者更多,豪宅基本設計,唔使大驚小怪。
手袋砌牆
女仔嘅閨房唔係隨便畀人睇,不過郭燕光就照po睡房相。房間走甜美及高檔路線,窗台放有Chanel咕o臣當擺設,天花櫃仲擺滿名牌手袋,show room一樣,最勁係睡牀對上有盞水晶燈,係咪好有品味呢?
鞋櫃分色
話就話一個人得一對腳,但面對各大品牌每季推出的新鞋,又點會忍到手唔買?郭燕光啲鞋多到要訂造一個巨型鞋櫃先夠擺,仲要每層分晒顏色,平時出門前想着邊對襯衫,一目了然啦!
寶貴光陰
手錶向來都是身份象徵,無番隻似樣啲嘅錶,又點襯得起郭燕光千金嘅身份?勞力士、Hermes、BVLGARI、Patek Philippe等統統都擁有,所謂一寸光陰一寸金,戴住隻貴錶,突顯出時間真係好寶貴o架!