莊思敏 帶細妹巡鑼
家姐莊思敏做model入行，細妹莊思明就選港姐出身，兩姊妹先後入咗娛樂圈，做埋同行應該更加啱傾同啱講，所以計到真正圈中嘅「姊妹淘」，佢兩個都算表表者，好多時真係開工一齊，收工又一齊，乜都孖住上。
好似東姑早排又見佢兩姊妹，現身銅鑼灣出巡，見佢哋手拎一袋二袋，唔使問阿貴，都估到係「血拼」後嘅戰利品，跟住兩姊妹坐上一架七人車離開，明顯滿載而歸。
親姊妹感情好，通常心有靈犀連taste都好接近，約埋買嘢可以你幫吓我眼時，我又畀番意見你，唔怪得shopping都做孖公仔。
莊思敏同細妹莊思明「血拼」完銅鑼灣，齊齊喺馬路邊等七人車返屋企。
兩姊妹約埋shopping有傾有講，走又可以坐埋一架車返歸，真正孖公仔算這種。
