堅富貴！楊思琦拖女買千八萬豪宅
單親媽楊思琦向向善於投資，加上財來自有方，一早已是富婆一名，現時坐擁五個約共半億物業，日前她又出動掃磚頭，素顏上陣湊女睇樓，半個鐘就立即扑槌買樓！
據《頭條日報》報道，已有三層樓揸手的楊思琦，年前先後以親友名字，一年內豪掃兩個將軍澳天晉的千萬單位。現保守估計坐擁半億物業的思琦，近日趁至愛將軍澳區有新盤，即親身掃貨。本周二（十七日）晚上七時半，素顏戴帽戴眼鏡的單親媽楊思琦拖四歲囡囡卓穎和母親三婆孫現身ifc。見她一早約好個女地產經紀，準備上樓睇新地發展的將軍澳海天晉示範單位。《頭條》記者尾隨發現，發展商設有兩個分別為千呎四房及七百呎三房示範戶，但思琦主攻睇一個以第5座18樓A室為藍本的經改動四房雙套房示範戶，實用面積1090平方呎，售價$1,775萬。據悉她對以大玻璃作間隔、全港獨有的「水晶廚房」好有興趣，逗留半小時，思琦妹就扑槌，跟隨經紀轉至另一房落訂買樓。約九時，剛購新樓的思琦心情靚靚離開大廈，記者問她又做業主？思琦耍手擰頭說：「唔係呀！我路過之嘛！」但一輪笑聲已出賣她。然後繼續邊行邊講：「我純粹八卦啲裝修，睇吓啫！無投資心得O架！(買過千萬新樓？)唔係，入面有啲細（單位），周圍望吓，八卦吓啫！」最後揸去年落地的77萬新車離開。
由於開心睇樓太早被傳媒發現，思琦妹顯得避忌，成日以身擋住女兒。
據悉思琦妹對以大玻璃作間隔、全港獨有的「水晶廚房」好有興趣，逗留半小時，思琦妹就扑槌，跟隨經紀轉至另一房落訂買樓。
