陳展鵬 冧掂高層
向來被指甚懂得冧高層的陳展鵬，對於ViuTV加入電視巿場，一早講明冇撐敵台，以示對無綫忠心耿耿，所以拍劇主持有得撈，日前在電視城開廠拍新劇《乘勝狙擊》，他都不忘抽空跟高層飲茶灌水，打好關係。
東姑見他先一支公到餐廳霸定靚位，見高層入到嚟，即時起身笑面迎接，三人甫坐低即密密商討合作大計，落足嘴頭的他，表情動作多多，又拿出手機同高層兩份睇，一齊觀摩搞笑影片。期間遇上另一班高層，他即時上前跟對方打招呼寒暄幾句，完全不放過任何一個搲撈機會，積極拓展事業。
有監制竉幸，陳展鵬既趕拍新劇又做埋主持，上周他跟薛家燕、岑麗香為新節目拜神。
意見多多的陳展鵬，跟幕後人員吹水吹足成粒鐘。
