給子女的說話
常言道：生命誠可貴！但近來常常聽到有學童輕生，心底裏難免感到有點戚戚然。城中不少名人父母亦察覺響起了警號，紛紛重新審視子女在生活和學習上所面對的壓力。
琦琦、丁子高和徐淑敏更為子女制定減壓良方，來一個簡單的擁抱，說一句鼓勵的說話，寫一段真摯的文字，都能將壓力轉變成動力。
有時父母的關心，比起簽訂一份所謂的「不乜乜契約」，來得更有力量！
琦琦喜歡帶女兒去旅行，藉此減壓，「Ella放假等如我放假，每個weekend陪佢玩，同爹哋做瑜伽、踩單車，長假期會帶佢到世界各地旅行，釋放壓力。」
琦琦鼓勵女兒努力去追求夢想，「Ella好鍾意畫畫，想做時裝設計師，我會提醒佢，無論想做乜，都一定要勤力，唔可以懶惰。」
琦琦 教女兒壓力變動力
琦琦的十一歲女兒任晴佳（Ella），夢想是做一位時裝設計師，她支持女兒去追夢，早前，她偕Ella拜會品牌Dolce & Gabbana的兩位設計師Domenico Dolce和Stefano Gabbana，琦琦說：「佢想做乜，我哋都會支持。」
琦琦自小教女兒要以正面態度面對任何事，她認為社會上，每個人都有壓力，但壓力可轉化成動力，「Ella讀書一樣有壓力，好多功課、考試，要同壓力一齊成長，如果選擇逃避只會愈嚟愈驚。佢同我講有小朋友承受唔到壓力跳樓，我同佢解釋，因為佢哋唔識handle壓力。當年爹哋、媽咪成長都要面對壓力。」
Ella雖然功課多，但琦琦笑言女兒每日都自動自覺做晒功課先去玩，「我同Simon（任達華）覺得個女嘅成績中上已經ok，但Ella對自己嘅成績好有要求，見佢做功課做到夜晚九點，我叫佢瞓覺，佢都話要做完先。做完功課佢會同我哋玩二十分鐘，大家攬吓、笑吓，又同爹哋一齊做瑜伽，呢啲都係好好嘅減壓活動。」
琦琦對女兒從不打罵，凡事講道理，母女關係非常親密，每晚睡前的「girl talk」，好比一碗「心靈雞湯」，強壯她的心靈。琦琦會要求女兒勇於嘗試，「我話Ella對腳咁長，不如學下跑步，但佢學咗兩堂之後，覺得好辛苦話唔學，做媽媽要聆聽仔女所需，如果佢試過話唔鍾意，我唔會逼佢。」
琦琦認為家庭教育最能影響孩子，「我同爹哋都好樂天，所以Ella都好似我哋，記得佢兩年前有次參加游泳比賽，佢游得好快，本來係第一名，但佢游游下擰轉頭望下人，咁就落後變咗第二名，但佢無失落，仲話：『有獎拎就好開心。』其實名次有乜所謂，最重要係享受比賽嘅過程！」
父親是攝師大師，Ella間中亦會拿起相機四圍影，任達華會讓她發掘拍攝題材，適當的時候才加以提點。
