自上月初傳出跟七十六歲風流富商林建名大搞「爺孫戀」的何傲兒，突然又公開與西貢地王太子爺周子揚相戀，更被拍到當眾連環十三啜。「兒子戀」呢頭打得火熱，女方更已見家長，但轉頭有傳她冧掂林建名揼百萬跟其破產父親合作搞生意，隨即單方面宣告僅十四日的「兒子戀」玩完。

被狠飛的周子揚，上周接受本刊訪問時，一臉愁容訴說舊情着重心意，「我有送心意卡，同佢食茶餐廳，佢都好開心。」對舊愛仍百般維護。

甩拖的周子揚，上周接受本刊訪問時，對舊愛何傲兒仍十分維護，更力撐她非拜金女，指昔日拍拖食茶記、送心意卡，女友已好開心。

講心唔講金

「兒子戀」極速於十四日玩完，何傲兒以「感情未ready，唔會再繼續下去。」單方面宣告分手。戀情快來快走，慘被飛的周子揚，分手後，上周三（十三日）出席新劇《潮拜武當》造型，坐於一旁的他心情沉重，但鏡頭前跟其他演員卻有講有笑，未見異樣。其後，他接受本刊訪問，直言跟何傲兒是和平分手，雙方要專注事業。但對於外間有傳何傲兒拜金而跟他分手，他卻否認說︰「其實我哋拍拖好casual，行到邊食到邊，佢無乜所謂，都會食茶餐廳。我都有送禮物，送過心意卡，佢都好開心。我所認識嘅佢唔拜金。（信唔信佢同林建名一齊？）林生嘅嘢，唔回應。」深情的他直言對每段情都愛得投入，更想開花結果，是次事與願違，但強調跟舊愛再見亦是朋友。

「兒子戀」愛得高調，今月初大方合照認戀情，但事隔十四日竟突然離奇分手。

何傲兒父親早年不時帶同女兒出入上流社會，跟林建名已認識多年，三人不時合影。