有魅力的男人，並非要計算儲蓄戶口有多少個零、有沒有男神的外表，甚至練出人魚線了麼？而是怎樣為家庭付出，愛伴侶又顧家，抱着嬰孩綻放着滿足天真的笑容！曾幾何時，Soler的細孖Dino，除了貌似陳啟泰之外，亦有一份亦正亦邪的戾氣；今時今日，成為人夫人父的他，帶着太太Nancy及兒子Damiano同行，和善得多，將育兒經常掛在口邊；並決心放下酒杯，好男人形象畢露，的確魅力大增，「個仔一歲時，有一次我拎住罐啤酒欣賞緊佢，喺度諗，一個小朋友一出世，啲器官係好完美，但係我哋就以為大個咗可以做好多嘢，包括：飲酒去傷害自己嘅身體，於是就成罐啤酒倒咗去。」

樂壇組合Soler的細孖Dino，於一二年十一月榮升人父，兒子Damiano遺傳了其俊朗面孔，人見人愛。

改變

看着鬈毛圓眼的Damiano，別人無不笑逐顏開，對這位可愛小男孩讚歎不已，Dino也笑言：「你睇BB個老竇咩樣，就知點解佢咁靚仔啦！」歲半的Damiano的確討人喜愛，任抱任逗，笑容滿面，難怪Dino當上人父後也被愛兒的活潑精靈感染了，人不但和藹可親，也戒掉了不少壞習慣。

「除咗早咗起身、早瞓咗，飲食方面都注重咗好多，因為囝囝同我哋一齊食嘢，我哋想佢身體健康，所以就要食啲有營養嘅嘢。」Dino一臉正經的說。

初為人父的Dino，直言自己改變了不少，除了早睡早起，更注意均衡飲食，還戒掉了喝酒的壞習慣。