著名玄學家林炳南 通渠醫仔個腎
跟擁有二十五年勘察風水、睇相算命經驗的著名玄學家林炳南，相識了十年，其喜怒不形於色的個性，總令人敬而畏之，故從沒想過一直不打算生兒育女的林炳南，最終會被太太的愛心溶化，今年五月五十歲得子，更化身「通渠佬」為愛兒醫治腎病。
「風水學上腎為水位，知道個仔喺母體度已經有腎盂阻塞嘅問題，即時睇吓屋企水位係咪塞咗，結果真係，一清走咗，個仔個腎就正常番；可惜，佢出世之後，個腎又再有脹大嘅問題，原來我忽略咗去水位個U字鉸位，如果我早啲發現，個仔就唔使做手術喇。」林炳南歎道。
林炳南於○七年與從事會計行業的Jeanie結婚，一直都不欲生兒育女。至近年，他終被太太同化，改變初衷，兒子林領聰於今年五月出世。
童年陰影
林炳南與從事會計及市場營銷行業的Jeanie於九八年相戀，其時他還跟她坦言要十年後才可結婚，否則必定離婚收場，結果女的願意等，男的也兌現承諾，於○七年結婚。「○八年，我最錫嘅媽咪中風，行動不便，我太太要返工嘅同時，又照顧得佢非常好。太太一直想生BB，但我唔鍾意小朋友；因為我童年生活好淒慘，屋企好窮，上有三個家姐，下有一個細佬，父母喺出面受咗壓力返嚟，會冇理由咁打我。我覺得做細路仔好慘好可憐，自己亦唔識得去照顧人，所以一直都唔想生BB。」
林炳南最疼錫的母親，今年七十七歲，○八年中風後行動不便，一直有賴他與太太無微的照顧，才能健康快樂地生活。
