羅霖廿蚊冧客
自從同劉坤銘離婚之後，羅霖比較之前活躍咗好多，無計啦，有三個仔等住養，有贍養費都要搵多啲收入，為自己打算吓都好應該啫。
除咗出山拍陶傑執導嗰部情慾片《愛．尋．迷》，早排東姑仲見佢幫一間公司春茗做司儀，相信酬勞應該唔錯，唔係佢都唔會嘔番啲出嚟，場內猛派利是畀啲賓客。當係利利是是又好，係助興搞吓氣氛又好，等個活動可以開開心心與眾同樂嘛！
弊就弊在東姑目擊場內收到羅霖利是嘅賓客，認真老實唔客氣，呢頭收完封利是，嗰頭拆開睇到裏面係廿蚊紙一張；不過，話晒意頭嘢，多少無拘啦！
失婚之後，羅霖積極工作搲銀，呢一日就做春茗司儀，仲喺台上載歌載舞。
羅霖喺酒席中間，大派利是畀一班賓客，志在搞氣氛，大家開心吓。
