慳家供樓 Angelababy踎平民小店
楊穎(Angelababy)自去年簽約內地「華誼兄弟」,瞬間成為一線花旦,除了成為多部大片女主角,片酬更暴升至四百萬人民幣。Baby雖然瞬間致富,又有身家四億的男友黃曉明愛錫,不過仍然十分慳家,堅持食平民餐、着衫靠贊助。
原來今年八月以二千多萬買下貝沙灣千呎豪宅的Baby,為了供樓,不惜帶病開工,沒有富貴男友在身邊更要慳家過活。日前Baby就現身九龍城食平民泰國菜,食量更細得驚人,慳得就慳。
Angelababy已成為國際級人馬,但仍不介意與助手及化妝師等到九龍城的小曼谷食平價泰菜。
狂接大片
Angelababy與黃曉明拍拖超過三年,不過常被傳分手,早前更傳Baby收曉明三千萬箍煲禮物。不過身價暴升的Baby已否認靠男友,難怪她早前出席活動時理直氣壯澄清:「我入行工作十年,自己都買得起!有人送畀我當然開心,但亦享受自己努力得來嘅成果。當然我唔係忽然富貴,我係一直慢慢累積,賺嘅都係辛苦錢。」