李若彤七男護體
對於李若彤(Carmen)嘅印象,東姑仲係停留咗喺九五年佢同古天樂合作嗰齣《神鵰俠侶》電視劇度,十八年前嘅「姑姑」,好鬼玉女,非常我見猶憐咁款。
闊別多年,啱啱復出拍劇嘅Carmen,近排畀人大爆咗年齡的秘密,有傳佢原來已屆四十六歲之齡;不過,佢一出番嚟仍然好似一隻受保護嘅動物一樣,而呢種感覺,又唔只得東姑一個有噃。
好似早前Carmen出席一個朱古力宣傳活動咁,大會就出動重兵保護「姑姑」嘞,離開時就有七個猛男幫佢拎嘢兼護送佢上車,個個仲「楊過」上身如臨大敵好鬼肉緊咁款,都咪話唔誇張呀!