苟芸慧率先換冬裝
中秋啱啱過，呢排天氣仲係翳翳焗焗好鬼悶熱，東姑出到街都仲係着緊背心熱褲，但仍然出晒汗。不過，日前東姑喺將軍澳某屋苑撞到「宅男女神」苟姑娘（苟芸慧），嗰日有成三十幾度，佢居然着住件厚厚嘅衛衣、襪褲加對boot，係咪發冷都早得滯呀？
東姑懷疑，苟姑娘應該唔係想率先着冬裝，只係貪靚之過所以咁抵得熱，皆因佢身形爆脹成日畀人笑虎背熊腰，有自知之明惟有獻醜不如藏拙，焗住着到密密實實遮住啲肥肉囉，真係難為晒佢囉。
雖然過咗中秋，但係天氣仲係keep住三十幾度，苟姑娘居然可以喺咁嘅天氣下，着住件厚厚嘅衛衣，佩服！
夜麻麻，苟姑娘揸住張五百蚊周圍走，小心財不可以露眼呀。
